May itinatagong lihim ang isang party-list representative sa kanyang mga kapwa mambabatas dahil hanggang sa ngayon ay pinagdududahan pa rin ang kanyang kasarian.

Sa unang tingin, aakalain mong lalaki at pamil­yadong tao na itong mambabatas na ito pero lingid sa kaalaman ng lahat ay isa pala siyang miyembro ng third sex.

Ayon kay Mang Teban, nabuking ang pagiging Eba ni congressman nang minsan siyang kwentuhan ng kanyang mga staff na may multo silang nakita sa kanilang tanggapan sa Batasan Complex.

Noong una, tinawanan lang umano ni Congresswoman, este, Congressman pala, ang sinabing multo ng kanyang mga staff. Subalit nang minsang magkaroon ng brown out sa Kamara, nagtitili daw itong mambabatas na ito at sinabing may “multooooooo dito!.

Sa takot ng mambabatas, agad na tumalilis ng kanyang tanggapan ang kongresista at hindi na bumalik kinabukasan.

Simula noon, ani Mang Teban, hindi na umano pumapasok sa kanyang office ang kongresista at kung dumaan man ito para pirmahan ang mga papeles, sa upuan ng kanyang staff ito umuupo.

Pinta­han n’yo na: Laging may moistu­rizers sa mukha itong kongresista na ito at mahilig magpa-derma kaya maputing maputi na ang kanyang mukha.

May Letrang M ang kanyang pangalan.