ANG magkasundo ang mag-inang Annabelle Rama at Ruffa Gutierrez ang ipinagdarasal ng mga nagmamalasakit sa kanila.

Walang naniniwala sa balita na pinalayas ni Anna­belle si Ruffa at ang mga anak nito dahil mahal na mahal nila ni Eddie Gu­tierrez ang kanilang anak at dalawang apo.

Kinumpirma ni Ricky Lo sa Startalk noong Sabado ang pag-alis ni Ruffa at ng mga anak nito sa bahay nila sa Dasmariñas Village noong Sabado.

Habang ipina-plug sa Startalk ang balita tungkol sa paglalayas ni Ruffa,

nasa East Avenue Medical Center ito para sa event ng Avon at kasama niya ang kanyang mga anak na sina Lorin at Venice.

Hindi napansin ng mga tao sa event na may personal na problema si Ruffa ng mga oras na ‘yon.

Hindi ito ang unang pagkakataon na nagkaroon ng tampuhan sina Annabelle at Ruffa. Bago maaksidente si Richard Gutierrez noong May 22, 2009, hindi na sila nag-uusap dahil hindi natutuwa si Annabelle sa mga balita na nag-uugnay kina Ruffa at John Lloyd Cruz.

Nagkabati ang mag-ina dahil sa aksidente na nangyari kay Richard, na natuwa nang makita nito na nagkasundo na ang kanyang ina at kapatid.

Sa report ni Ricky, hindi nito pinangalanan si John Lloyd. Isang insider ang nagkuwento sa amin na posibleng si John Lloyd ang pagtutuunan ng galit, o gigiyerahin ni Annabelle dahil hindi mamatay-matay ang balita tungkol sa special friendship nila ni Ruffa.

Birthday ni Ruffa sa June 24. Sa tuwing papalapit ang kanyang kaarawan, nasasangkot siya sa malalaking kontrobersya at problema.

Ironically, pareho ng birthday sina Ruffa at John Lloyd.

***

Dalawang programa ng GMA 7 ang mag-uumpisa ngayon, ang Ngayon at Kailanman at ang Adik Sa’Yo. Mga bida sa Ngayon at Kailanman sina Heart Evangelista at JC De Vera.

May common denominator ang dalawa. Dalawang buwan na hindi naging busy sa mga taping sina Heart at JC kaya nagkaroon sila ng pagkakataon na magawa ang mga gusto nila.

Nag-enroll sa yoga at ballroom dancing class si Heart. Naranasan niya ang normal na pamumuhay dahil siya mismo ang pumupunta sa supermarket para sa kanyang food supplies.

Nagawa naman ni JC ang kanyang matagal na plano, ang magbakasyon sa isang beach resort, makasama ang mga kaibigan na matagal nang hindi nakikita at maka-bonding ang kanyang pamilya.

***

Tila may private joke sina JC at Dion Ignacio tungkol sa role nito sa Nga­yon at Kailanman. Si Dion ang gumaganap bilang kaibi­gan ng karakter ni JC sa bagong sine novela ng GMA 7.

Sa recent promo guesting nila sa Startalk, pilit na tinanong ni JC kay Dion ang pangalan ng aktor na gumanap bilang kaibigan ni Richard Gomez sa movie version ng Ngayon at Kailanman.

Ang natatawa rin na sagot ni Dion, si Rustom Padilla aka Bebe Gandanghari. May na­ramdaman na malisya ang televiewers sa private joke nina JC at Dion pero kung anuman ‘yon, tanging sila lang ang nakakaalam.

***

Mapapanood sa TFC on-line ang complete coverage ng se­nate inquiry at deve-lopments sa Hayden Kho Scandal. May poll ang TFC tungkol sa reaksyon ng publiko sa pinakamalaking scan­dal ng 2009 ang, What do you think of this controversy?

A. Shame on Hayden, your license should be revoked immediately!
B. We are all for Katrina Halili and the other victims, but the government should focus on more important matters involving the national economy, security and more.

C. I do not believe these videos are real.
D. The girls on the videos deserve it.
E. This is just a tool to get talked about.
F. Hayden is paying for his past wrongdoings right now at
G. My heart just goes out to the girls on the vi-deos.