ZAMBOANGA CITY --- Pinasinungalingan ng election watchdog Healing Democracy ang pahayag ng Commission on Elections na naging tahimik ang special polls sa lalawigan ng Lanao del Sur.

Ngunit sa mga lara­wang ibinigay ng natu­rang grupo sa Abante, ipinakita nito ang talamak na vote-buying, rambulan sa pagitan ng mga supporters ng magkalabang kandidato at kung anu-ano pang kaguluhan sa special polls na ginawa nuong nakaraang linggo lamang.

“The presence of more than 100 military men and the use of police trainees as board or election inspectors did not deter the rampant vote buying and election-related vio­lence in Lanao del Sur and may have possibly disenfranchised a number of vo­ters,” ani Pastor Beltran Pacatang, ang project manager ng Healing Democracy, isang interfaith group na naka-base sa Marawi City.

Sinabi nitong nagkaroon rin ng maraming putukan sa bayan ng Sultan Domalondong upang takutin ang mga botante. Naispatan rin umano ang mga armadong kalalakihan na aali-aligid sa mga polling areas sa kabila ng maraming deployment ng sundalo at pulis.