AGNO, Pangasinan --- Hindi na umabot nang buhay sa pagamutan ang isang pulis matapos aksidenteng mabaril ng kanyang partner na pulis habang nagpapatrulya sa ba­yang ito kamakalawa ng gabi.

Batay sa imbestigas­yon, nagpapatrulya ang gru­po ng mga nabanggit sa kanilang lugar nang big­la umanong maka­labit ni PO1 Zaldy Cortez ang kanilang M16 armalite at tumama sa kasama­han nitong pulis na si PO3 Joseph Abungan na naka­sakay sa harapan ng kani­l­ang patrol car.

Isang tama sa likod na tumagos sa kanyang ha­ra­pan ang kumitil sa b­uhay ni Abungan habang kaagad na dinala sa pinaglilingkurang himpilan ang naka­baril upang isa­ilalim sa eksaminasyon at imbes­tigasyon.