ADS 

Gretchen at Tonyboy, balik Pilipinas na...

Jojo Gabinete

Nakunan ng crew ng Showbiz Central ang pagdating ng controversial couple.

Inoperahan sa lalamunan si Tonyboy sa Stanford Hospital, kaya nakasakay siya sa wheel chair nang dumating siya kahapon sa Centennial Airport.

Hindi nagkaroon ng pagkakataon ang TV crew na mainterbyu ang businessman, dahil napapaligiran siya ng kanyang mga bodyguard.

Hindi rin nakaiwas si Gretchen sa TV crew, kaya napilitan siya na magsalita tungkol sa kalagayan ni Tonyboy habang naglalakad siya patungo sa kanilang sasakyan.

Ayon sa mga eyewitness, matagal bago lumabas si Gretchen sa arrival area, dahil nalaman nito na naghihintay sa kanya ang television crew.

Mapapanood sa Showbiz Central sa darating na Linggo ang mga pangyayari sa pagbabalik nina Gretchen at Tonyboy sa Pilipinas.

Ang Stanford Hospital & Clinics ay kinikilala bilang isa sa mga pinakamahusay na ospital sa Amerika. Ito ang resulta ng research namin sa Internet tungkol sa ospital na pinuntahan nina Gretchen at Tonyboy:

Stanford Hospital & Clinics is known worldwide for advanced patient care provided by its physicians and staff, particularly for the treatment of rare, complex disorders in areas such as: Cardiac care, Cancer treatment, Neurosciences Surgery, Organ transplants.

Every year, U.S. News & World Report identifies the top hospitals in 16 specialties in the United States. Stanford Hospital & Clinics is recognized as one of "America’s Best Hospitals" and currently ranked #13 in the U.S.

***

Mamayang gabi na ang big concert ni Christina Aguilera sa open field ng The Fort at inaasahan na manonood ang mga sikat na celebrity sa ating bansa.

Isa si Sarah Geronimo sa mga gustung-gusto na manood ng concert ni Christina dahil idol niya ang sikat na singer.

Sinabi namin kay Sarah na dapat niyang mapanood ang concert ni Christina para makakuha siya ng mga idea na magagamit niya sa Sarah Geronimo In Motion, ang kanyang major concert, sa July 14 sa Araneta Coliseum. Besides, bihira ang pagkakataon na mapapanood niya sa sariling bayan ang isang sikat na singer na gaya ni Christina.

Isa lang ang problema ni Sarah. Mahal daw ang presyo ng ticket kaya hindi sigurado ang presence niya sa concert ng kanyang hinahangaan na singer.

Kayang-kaya ni Sarah na bumili ng mahal na ticket, pero umiiral ang kanyang katipiran at pagiging wise-spender.

Hindi kami magtataka kung may magmamagandang-loob na magbigay ng libreng ticket kay Sarah para makapunta siya mamaya sa concert ni Christina.

***

Required si Sarah na magpahinga, isang araw bago ang kanyang concert. Iniiwasan niya na magsalita bilang pag-aalaga sa kanyang boses.

Umiinom din siya ng dalawang klase ng gamot para sa lalamunan niya, isang Chinese medicine at Throat Coat.

Very effective daw ang Throat Coat dahil ito ang iniinom ni Regine Velasquez. Hanggang ngayon, hinahangaan si Regine ni Sarah na tumanggi na magbigay ng opinyon sa relasyon ng kanyang idolo kay Ogie Alcasid.

***

Comments are welcome at jojogabinete@yahoo.com

<BACK