Umabot na sa 200-katao ang nasawi sa magdamag na opensiba ng government forces sa probinsya ng Hama sa Syria.

Sa ulat ng Syrian Observatory for Human Rights, karamihan sa mga namatay ay mula sa Tremseh village na hawak ng oposisyon.

Ayon kay Observatory chief Rami Abdel Rahman, gumamit ang go­vernment troops ng tangke at helicopters sa kanilang opensiba na ikinamatay ng 200-katao. Mahigit 30 sa mga nasawi ang nakilala na ng mga awtoridad.

Sinisisi naman ng Syrian state television sa “armed terrorist groups” ang naturang madugong masaker na binansagang “civil war” sa Syria.

Walang habas umanong binaril ang mga inosenteng sibilyan habang nililisan ang kanilang tahanan.

“I am from day one with the revolution,” ayon kay Nawaf al-Fares na siyang dating Syrian ambassador to Iraq.

Si al-Fares ay tumiwalag bilang protesta kay Syrian Pres. Bashar al-Assad at idineklara ang paganib sa Syrian rebels.

Dagdag ng diplomat, para sa kanya ay hindi na pangulo ang tingin niya kay Assad dahil isa itong kriminal sa pagpatay ng sariling mamamayan.