Puwersahang inatake at binitbit si Wilmer Tuyo ng Quezon City Police Station 10, EDSA Kamuning, QC nang magwala at pagbabasagin ang bowl sa palikuran upang ipambato sa mga pulis. (Mike Taboy)

Dalawang establisye­mento kabilang na ang isang sikat na fastfood chain ang sinalakay ng mga opera­tiba mula sa Laguna Lake Development Autho­rity (LLDA) upang ihain ang Cease and Desist Order kaugnay sa paglabag ng mga ito sa Clean Water Act.

Pinangunahan ni LLDA General Manager at Presidential Adviser for Environmental Protection Neric Acosta ang  paghahain ng nasabing kautusan sa sa­ngay ng McDonalds sa lungsod ng Pasig at sa King Sue Ham Factory sa Caloocan.

Tiniyak naman ng pamunuan ng McDonalds na lahat ng iba pa nilang nag-ooperate na restaurants ay nasa tamang pagtugon sa lahat ng regulasyon ng pamahalaan.

“We are in the process of updating and installing waste water system in accordance to the stipulations under the Clean Water Act. During this process, we would like to assure all our customers that the water used in the preparation and sanitation of all our food products are safe and clean,” paniniyak ng McDonalds Philippines.

Sinabi naman ng ma­nagement ng King Sue Ham Factory na simula 2010 nang una silang bigyan ng notice ng LLDA kaugnay sa mataas na BOD content ng kanilang wastewater ay sinisikap nilang mapababa ito upang makatugon sa standard ng ahensya.

Ayon kay Acosta, ang dalawang nabanggit na establisyemento ay kapwa lumabag sa umiiral na Republic Act 9275 o ang Clean Water Act of 2004.

Ang dalawang establisyemento ay kapuwa lumagpas sa 50 allowable Biochemical Oxygen Demand (BOD) content ng kanilang wastewater at hindi pagpasa ng kanilang water treatment facility sa standard na itinakda ng batas.