 NAG-CELEBRATE ng kanilang birthday sina Richard at Raymond Gutierrez sa Mini Cooper sa The Fort noong Huwebes nang gabi.
Isang car showroom ang venue ng party, pero dahil sa creativity ni Raymond at ng kanyang mga kaibigan, naging instant bar ang lugar.
Dumalo sa party ng Gutierrez twins ang kanilang pamilya at malalapit na kaibigan. Limang minuto ang tanda ni Richard kay Raymond, at sa interbyu kay Richard, sinabi ng aktor ang kanyang mga birthday wish.
“Itong party na ito, gift ito sa amin ng family namin so we are very thankful. Last year, tahimik ‘yung birthday namin.
“Maganda ‘yung New Year namin. Maganda ang Christmas namin. Maganda ang momentum ng year for us, we decided to throw a party.
“My birthday wish? Good year, best year with my family, good health for the whole family.
“I’m looking forward to my next project, ‘yung Captain Barbell.
We have to make it very good and very big. I’m excited. It’s gonna be bigger. It’s gonna be better.
“Sana, ma-enjoy ng mga tao ‘yung bagong Captain Barbell tulad ng na-enjoy nila noon, but we’re guaranteeing everyone that it’s gonna be a modern-day Captain Barbell,” ang nakangiti na sabi ni Richard.
May sagot din si Richard nang tanungin siya tungkol sa kanyang lovelife. Masaya raw siya ngayon at wala nang mahihiling pa.
“Right now, I’m happy with my life, the way things are going.
And I can’t ask for more. My work is doing very well and my family, my health. Wala na akong hihilingin pa, as of now. I’m in love with life....
“I keep my privacy. Kahit papaano, I have to leave some for myself. Eventually, if I’m ready to share it with the world, I will in the future. As of now, I’m working hard and I’m giving everyone as much as I can.”
Si Heart Evangelista ang isa sa mga babae na itinuturing ni Richard na pinakamalapit sa kanya. Maganda raw ang friendship nila ng kanyang kapareha sa Full House.
“I made a lot of friends throughout the years, pati mga leading ladies ko, and even kahit hindi ko leading ladies.
“Si Heart (ang pinakamalapit sa akin). I’m not being showbiz or anything but we are very open to each other. Even after Asero, kasi noong Asero, parang pumoporma-porma pa ako sa kanya, pero ngayon, talagang magkaibigan kami.
“Kami ni Heart, we have a clear reality of what we have. As of now, it’s strong friendship and we don’t want to take it to the next level if we are not ready for anything.
“Gaya nga ng sabi namin, friendship will last longer rather than rushing it and ruining everything.
“I think, kami ni Heart may common understanding na we are good friends right now and we can be very open to each other.
That’s something special already. For her to be open to me, me being open to her. That’s already something special,” ang pahayag ni Richard.
|
