Labing-anim na katao ang sugatan nang aksidenteng mahulog ang sinasakyan ng mga itong pampasaherong jeep kahapon ng madaling-araw sa bayan ng Labo, sa Camarines Norte.

Sa ulat na nakarating sa Camp Crame, nakilala ang mga biktima na sina Sonny Asis, Arjay Enaje, Maribel Esperas, Monette Mancenido, Marvin Tabor, Junel Tagala, Rommel Besola, Angelie Doroja, Jess Marvilla, Nenita Aloc, Erwin Rafon, Eliza Arsino, Dolores Banzuela, Jaime Cepe, Ronald Palad at Naty Tagala.

Patungo ang mga biktima sa bayan ng Daet nang maganap ang insidente dakong alas-5:00 ng madaling-araw habang binabaybay ng pampasaherong jeep na may plakang EVE-918 ang Maharlika Highway sa Barangay Canapawan.

Unang sumabog ang gulong ng jeep hanggang magtuluy-tuloy ito sa bangin.

Himala namang walang nasawi sa mga sakay ng pampasaheeong jeep kung saan pawang sugat lamang ang mga tinamo ng mga ito na agad namang naisugod sa Camarines Norte Provincial Hospital at Sta. Elena Hospital.