Isang tricycle driver ang malubhang nasugatan matapos sapakin at barilin ng tatlong hindi nakikila­lang kalalakihan makaraang mapagkamalang police asset ang biktima habang nakikinood ng la­rong sakla sa isang lamay sa Malabon City, kahapon ng madaling araw.

Under observation sa Jose Reyes Memo­rial Medical Center sanhi ng tinamong bala ng ‘di pa mabatid na kalibre ng baril sa leeg, bukod pa ang mga tama ng suntok sa mukha ang biktimang si Rocky Llanera, 34, binata, ng Gulayan, Brgy. Catmon.

Sa imbestigasyon ni P02 Rommel Habig, ala-1:00 nang maganap ang insidente sa Sitio 6, Brgy. Catmon. Nakikinuod umano ng sakla habang naki­kipaglamay ang biktima nang lapitan ito ng tatlong di-nakilalang suspek.

Isa sa mga suspek ang nagtanong sa bik­tima kung siya si Rocky na agad namang umamin. Ka­sunod noon ay basta na lang uma­nong binigwasan ng suntok sa mukha ang biktima bago pinutukan sa leeg.

Wala umanong nakapa­lag sa mga taong nakiki­paglamay dahil sa takot na maging sila ay barilin ng mga suspek na mabilis ding tumakas nang duguang bumagsak ang biktima.

Hindi pa matukoy ng mga awtoridad kung ano ang tunay na motibo ng tangkang pagpatay, subalit may nagsasabing posible umanong napagkamalang police asset ang biktima.