Sa kabila ng katandaan, naglalaway pa rin daw ang isang dating miyembro ng Upper House sa mga malalaswang babasahin sa bansa.

Nabigla nga itong si Mang Teban nang makarating sa kanyang impormasyon na adik pa rin sa malalaswang babasahin itong ex-senator kahit na medyo gurang na at tila kailangan nang gumamit ng droga sa pantukod kay manoy.

Marahil ay suki ng Playboy magazine noong kanyang kabataan dahil hanggang ngayon ay wala pa ring kupas ang ating kababayang pulitiko, lalo na kung may mga babaeng nagpapakita ng pribadong parte ng kanilang katawan sa litrato.

Minsan daw kasi ay natiyempuhan ng ex-senator na ito ang kanyang mga kaibigan na pinagpipiyestahan ang isang malaswang babasahin kung saan nagpakita ng laman ang mga kilalang bold star sa bansa.

Mistula nga raw hinubad ng ex-solon ang tawag sa kanyang “honorable” nang makisalo sa pagbulatlat ng bawat pahina ng babasahing ito, as in parang ngayon lamang niya nakita ang mga bold star sa bansa.

Sa sobrang pagkahumaling ng dating mambabatas sa kanyang nakita, aba’y inuwi pa sa kanyang bahay ang naturang babasahin, sa katuwiran na isusumbong niya ito sa awtoridad.

Subalit lumipas na ang new moon at full moon, hindi na raw naisipan ng dating mambabatas na isoli ang kanyang hiniram na malaswang babasahin, aba’y tila nasarapan yata sa pagbabasa lalo pa’t may mga litrato roon ng babae na talagang wala nang saplot.

Naibalik din daw ang naturang babasahin sa may-ari matapos ang mahabang panahon pero mukhang naluma na ito at pinagsawaan sa katititig ng dating mambabatas.

Pintahan n’yo na: Ang dating mambabatas ay wala na raw balak bumalik sa kapulungan dahil kuntento na ito sa buhay niya ngayon. May letrang O sa kanyang pangalan at kilalang landmark ito sa Metro Manila.