|
|
ADS |
|
Nadine, tsutsugiin? |
|
Jun Nardo |
|
"Marami silang nagku-convince sa akin pero parang hindi pa ako desidido. Parang mahirap pumasok diyan," sabi ni Ara nang makausap namin sa isang corporate party. Pero hindi kaya isipin ng iba na may bahid ng pulitika ang gagawin niyang concert sa Araneta Coliseum sa Feb. 3? "Ay, huwag naman! May foundation naman ako at ang intensyon ko ay makatulong sa mga batang maysakit. Huwag naman nilang gawan ng isyu ‘yon," rason pa ng aktres. After ng concert, isang movie ang nakatakdang gawin ni Ara. Kagagaling din pala niya sa Europe kung saan nagkaroon sila ng show ni Janno Gibbs. "Super-lamig doon! Umuuusok nga ‘yung bibig namin dahil sa lamig. Sayang nga lang at wala pang GMA doon. "Kilala ng mga Pinoy roon ‘yung mga artistang gumagawa ng movies pero ‘yung mga baguhang artista ngayon na sa TV madalas makita, hindi kilala ng mga kababayan natin," kuwento naman ni Ara. Gusto sana naming tanungin si Ara tungkol sa reaksyon niya sa tsismis sa boyfriend niyang si Polo Ravales at Jennylyn Mercado pero minabuti naming isaamin na lang, kasi, natsipan kami sa isyu. But one of these days, isang pakikipag-usap sa isang importanteng tao ang gagawin ni Ara, na kung saan ang taong ‘yon ay na-involved din ang isang taong malapit sa kanya. *** Puspusan na ang pagti-taping ng Super Twins na bida si Nadine Samonte. Lagare nga si Nadine sa taping ng Bakekang, kaya hilong-talilong din ang drama ng dalaga. Kaya naman unti-unti nang nireremedyuhan ng writers ng Bakekang ang gagawin sa character ni Nadine. Ang balita namin, either papupuntahin sa States si Nadine sa pag-alis niya sa Bakekang o di kaya ay patayin ang character niya. Anuman ang gawin sa katauhan ni Nadine sa Bakekang, naging maganda rin ang exposure niya sa series lalo na’t sinasabing mas bagay siyang Kristal kesa kay Lovi, huh! *** Impressive ang dating ng bagong OBB (opening billboard) ng Eat Bulaga na ipinakita nu’ng New Year’s episode ng programa. Kumpleto pa rin sina Tito, Vic and Joey pati na ang buong dabarkads na nagdadagdag-kasiyahan sa programa. Kinunan ito last year at akala nga namin ay ipalalabas agad. Hinintay pala muna ang Bagong Taon bago inilabas, huh! Of course, isa lang ang bagong OBB ng Bulaga sa mga pagbabagong mapapanood ninyo sa programa ngayong 2007! *** Hindi umasa si Lorna Tolentino na mananalo ng award nu’ng nakaraang Gabi ng Parangal ng film festival para sa pelikulang Mano Po 5. "At least, nakakuha naman kami ng ilang awards. Eh, ‘yung character ko naman sa movie, iilan lang talaga ang puwedeng maka-identify sa character ko. "Hindi talaga Pinoy tulad ng role ni Gina Pareño sa Kasal, Kasali, Kasalo," pahayag ni Lorna sa amin. After mag-present nga ni LT, hindi na niya tinapos ang awards rites at dumiretso siya sa Zirkoh-Greenhils upang samahan ang mga kaibigang panoorin ang show nina Jose, Wally at Teri. At least sa show, masaya siyang humalakhak at wala pang kontrobersyang makukuha, ‘no! |
KINUKUMBINSI pa rin
si Ara Mina na pumasok sa pulitika ngayong taon, pero hindi pa rin
makapagdesisyon ang dalaga.