MEGALOTTO 6/45 Draw Nov. 30, 2007
15-25-33-19-41-27 P4,951,299.60
4-Digit 2-2-6-7
3-Digit 3-7-5
2-Digit 03-16

for lotto results text abante<space>lotto & send to 2299. (Note: PHILIPPINE VICINITY ONLY)

for pba results text abante<space>pba & send to 2299. (Note: PHILIPPINE VICINITY ONLY)

BASTE SA GAME ONE

 

Gamit ang isang braso, sinikap ni Denise Acevedo ng Ateneo na maisalba ang bola, na mula sa tip shot ni Neriza Bautista ng Adamson sa Shakey’s V-League action kahapon sa The Arena sa San Juan. (John Paulino)

Umeksena si Laurence Ann Latigay sa pagputok ng 28 points, kasama ang isang spike at block, upang iangat ang San Sebastian College tungo sa 25-16, 25-19, 17-25, 23-25, 15-13 panalo laban sa University of Santo Tomas sa Game One ng kanilang best-of-three Shakey’s V-League 2nd Conference crown showdown kahapon sa The Arena sa San Juan.

Si Latigay, ay ineklipsihan ang kanyang Thai teammate na si Bualee Jaroensri sa pagpapakita ng all-around game nang magpako ng 21 attacks, kasama ang apat na blocks at tatlong service points.

Ang kanyang ika-21 kill ang bumasag sa 13-all deadlock sa deciding fifth set at ang kanyang huling block ang gumelyo ng panalo para sa Lady Stags.

Sa pagtatapos lamang bilang runner up sa nakalipas na dalawang conferences, sisipatin na ng San Sebastian ang pagkopo sa titulo sa Game Two bukas.

Si Jaroensri ay nag-ambag ng 25 points, kasama ang 23 attacks, si Rysabelle Devanadera ay may 15 points, nagbigay ng 10 markers si Jinnie Mondejar habang may lima si Charisse Ancheta para sa San Sebastian.

Sa unang laro, sumandal ang Ateneo sa steady performance ng kanilang Thai import na si Lithawat Kesinee upang lagpasan ang Adamson, 14-25, 25-21, 25-19, 25-19, sa kanilang sariling best-of-three series para sa third place crown ng ligang inisponsoran ng Shakey’s Pizza.

Si Kesinee, na isang two-time SEA Games veteran, ay nagsapul ng 20 kills at anim na blocks para sa kabuuang 26-point para sa Lady Eagles na dumaan sa one-hour, 34-minutes match at makalapit ng isang panalo na lamang para sa best-ever finish ng koponan sa liga.

Nag-ambag naman ng tig-13 points sina Ma. Rosario Soriano at Denise Acevedo para sa Loyola-based squad, na nagtapos sa ikapitong puwesto noong nakaraang taon at ikalimang posisyon sa first conference nitong season.

Susubukan nang tapusin ng Ateneo, na dalawang beses pinabagsak ang Adamson ngayong conference, ang playoff sa pagsungkit ng isa pang panalo bukas.

Samantala, kinilala si UST player Venus Bernal bilang 100 Plus Player of the Conference sa awards rites na inisponsoran ng 100 Plus Energy Drink. Ang iba pang awardees ay sina Janet Serafica ng Adamson (most improved player), Laurence Ann Latigay ng SSC (power player), Mary Jane Pepito ng SSC (hustle player), Ma. Angeli Tabaquero ng UST (sportsmanship) at Ma. Rosario Soriano ng Ateneo (pure energy).

<BACK