|
|
|
Pag-ibig sa Tinubuang Lupa: Andres Bonifacio |
|
Jose Cunanan & Elizabeth Cunanan |
|
Binabati natin ang ating mga kababayan, lalo na ang mga ABANTE readers Philippines-wide and Earth-wide. Sa paggunita kay Andres Bonifacio, isinilang sa Tondo, Maynila, sa pamamagitan ng tula na katha niya, "Pag-ibig sa Tinubuang Lupa", ito ay alay parangal at alaala sa kanyang pag-ibig sa bayan at mamamayan. Nagpapatuloy ang pakikibaka ng taumbayan laban sa kaapihan at kahirapan ng kanilang buhay at kinabukasan.
Pag-ibig sa Tinubuang Lupa Andres Bonifacio
Aling pag-ibig ba ang hihigit kaya Sa pagkadalisay at pagkadakila? Gaya ng pag-ibig sa tinubuang lupa Aling pag-ibig ba? Wala na nga, wala
Walang mahalagang hindi inihandog Ng may pusong wagas sa bayang nagkupkop Dugo, yaman, dunong, katiisa’t pagod Buhay ma’y abuting magkalagut-lagot Ang nakaraang panahon ng aliw Ang inaasahang araw na darating Ng pagkatimawa ng mga alipin Liban pa sa bayan saan tatanghalin?
Sa aba ng abang nawalay sa bayan Gunita man ay laging sakbibi ng lumbay Walang alaala’t inaasam-asam Kundi ang makita’y lupang tinubuan
Kayong nalagasan ng bunga’t bulaklak Kahoy niyaring buhay na nilanta’t sukat Ng bala-balakid makapal na hirap Muling manariwa’t sa baya’y lumiyag
Ipagkahandug-handog ang buong pag-ibig Hanggang sa may dugo, ubusin itigis Kung sa pagtatanggol buhay ang kapalit Ito’y kapalaran at tunay na langit
Aling pag-ibig ba ang hihigit kaya Sa pagkadalisay at pagkadakila? Gaya ng pag-ibig sa tinubuang lupa Aling pag-ibig ba? Wala na nga, wala..
Ito ay madamdaming inaawit ng grupong Inang Laya nina Karina Constantino David at Becky Demetillo. At nagsisilbing hamon para sa karapatan, kalayaan, katarungan at kaunlaran. Ito ay halaw sa blog ni Willing Exile. Ang original na tula ay matatagpuan sa internet at i-search ang pangalan ni "Andres Bonifacio" at "Pag-ibig sa Tinubuang Lupa". Kung may katanungan o mungkahi, makipag-ugnay kina: Jose Pepito Manansala Cunanan at Elizabeth De Leon Cortez Cunanan-0922-8830 696 or 928-1312- / Email: pcunanan@gmail.com / pepz2002@yahoo.com. Visit website: www.withnews.org - Internet News for the Disabled and the Poor. Unit 201, 2nd Floor, Prestige Tower, Emerald Avenue, Ortigas Center, Pasig City, Metro Manila. |