Nagpasiklab ang QCPD SWAT Team nang ipakita ang kanilang full battle gear bilang paghahanda upang maiwasan nang maulit ang hostage crisis na nauwi sa madugong kamatayan gaya sa Manila bus hostage ta­king. (Mike Perez)

Sa kabila ng dalawang tama ng taga sa ulo mula sa selosong mister ay ligtas na sa peligro ang mi­sis nang pagtatagain ito sa loob ng kanilang pamamahay at nakaharap pa ang dalawa nilang apo kamakalawa sa Marikina City.

Sa ulat ni Marikina City Police Station Investigation chief, Chief Insp. Earl Castillo kay police chief, Sr. Supt. Romeo Magsalos, ang suspek na naaresto ng mga operatiba ay si Alfredo Manalang, 59, kung saan ang kanyang asawa na naratay sa Amang Rodriguez Me­dical Center ay si Ne­nita Manalang, 55, kapwa taga-Block 6, Lot 20 Phase 1, Bgy. Nangka, Marikina City.

Ang insidente ay naganap dakong alas-5:30 kamakalawa ng hapon nang umuwing lasing ang suspek. Nakasagutan nito ang kanyang asawa at sa galit ng suspek ay walang habas nitong inundayan ng dalawang beses na taga sa ulo ang ginang.

“Matagal na raw na pinagseselosan nu’ng la­lake ang kanyang asawa lalo na kapag nauwi siya sa bahay nila at wala sa bahay nila ang misis niya, ayun nu’ng umuwing la­sing ang suspek e nagkasigawan uli sila,” paha­yag ni Chief Insp. Castillo.