NATATAWA na lang si Pia Guanio sa kumakalat na balita na nagiging close na ang kanyang boyfriend na si Vic Sotto sa leading lady nito sa pelikulang Dobol Trobol na si Riza Santos.

Sabi ni Pia, hindi na raw niya kailangan pang mag-react dahil kilala niya ang kanyang boyfriend. Close raw talaga ito sa mga nagiging leading ladies nito sa trabaho.

“Kailangan pa ba akong mag-react diyan?” nakangiting sabi pa ni Pia.

“Kilala n’yo naman ako. Never akong nag-react or na-insecure sa mga ganyan. Alam naman natin that Vic and Riza are in one mo­vie. May mga ganyan na lalabas ta­laga. I can’t control that but defi­nitely hindi ako bothered tungkol diyan.”

Ganyan nga ka-confident si Pia sa relasyon niya kay Bossing Vic. At hindi na raw niya kailangan pang sitahin si Bossing Vic tungkol sa tsismis na ‘yan.

“I might ask him pero in a way na parang naiintriga rin ako. Yung tipong nagfi-fish ako ng information pero wala lang iyon. I trust my boyfriend a lot and vice versa. I will even support them sa pagsasama nila sa movie na ‘yon.”