DUMARAMI ang mga artistang gustong maging bahagi ng Dolphy-Vic Sotto movie kahit na special participation lang ang drama nila. Kahit na nga walang ta­lent fee, willing silang maka-appear sa biggest comedy event ng taon.

Ilan nga sa mga artistang willing lumabas ng libre sa Dolph-Vic mo­vie ay sina Paolo Contis at Ryan Agoncillo. Hina­hanapan ng role ang dala­wang aktor nang sa ga­yon ay maging markado ang role nila.

Sina Ricky Davao at Dexter Doria nga na kasama sa pelikula, hayun at honorarium lamang ang tinanggap. At nang malaman ni Gina Alajar ‘yon, aba, nagpapahanap din ng role, maka-join lang sa movie.

Anyway, h­uwag ngang paniwalaan ang mga tsismis na pinoporma­han ni Vic ang leading lady niyang si Riza Santos. Alam naman ng lahat na may Pia Guanio na si Bossing, kaya unfair sa dalawa ang nasusulat at gayundin kay Riza na baka maakusahan pang mang-aagaw ng boyfriend.

Besides, hindi sanay sa ganoong gimik si Vic. Hindi na kailangang paingayin pa ang movie dahil lang sa pagli-link sa kanila ni Riza.

Kaya tigilan na ang katsipang pagli-link na ‘yan kay Vic sa ibang babae, ‘no!

***

Higit na nakakatawa at nakaaaliw ang Manay Po 2! Overload, kesa sa unang series dahil nga nag-blend na sa kani-kanilang bading na cha­racters sina Polo Ravales, John Prats at Jiro Manio.

Gaya na lang ni John na out and out cross dresser sa movie.

“Kapag nasa office ako, prim and proper ang drama. Pero pag nasa labas na, girl na talaga ako! Ha! Ha! Ha!

“Pero mas  marami akong punchlines dito. Hindi na rin ako naasiwa sa character ko. Naging komportable na ako!” say ni John.

Si Polo naman, natutuwa dahil kilala na niya bilang artista sina Sid Lucero at Rufa Mae Quinto. Kaya kahit may mga kalaswaan man silang ginawa sa movie, hindi na siya nahirapang mag-adjust.

Eh, si Jiro naman, hayun at nagawa pang magkaroon ng lip scene sa lumabas na swimming instructor niya. Pero walang reklamong nari­nig sa kanya.

At kung merong mami-miss ang buong cast ng movie, ‘yon ay ang pagbo-bonding nila dahil nagmistula na silang isang tunay na pa­milya habang ginagawa ang MP2, huh!

***

Ngayong gabi sa Kamandag, mawawala na ang pagiging Kamandag ni Vergel (Richard Gutierrez) kaya babalik na siya sa normal na tao.

Kaya naman nang lumusob ang mga ambog sa San Isidro, wala siyang kapangyarihang nailabas.

Pero magtutulung-tulong naman sina Ragona (Sunshine Dizon) at Dinggol (Benjie Paras) upang labanan ang kampon ni Haring Gulag na nananalasa ng mga tao.

Hanggang kailan mapapanatili ni Vergel ang pagiging normal na tao?

Papayagan ba niyang mag­wagi ang kasamaan laban sa kabutihan?

Subaybayan ang ilang araw na nalalabi sa nalalapit na pagwawakas ng Kamandag na mula sa panulat ni Carlo J. Caparas.

***

For comments and reactions, e-mail us at jnardo_55@yahoo.com.