 “THEY
may look like ordinary kids, but what they’re getting ready
to do on our stage will blow you away. This you have to see to believe!”
Ito ang magandang plugging ng Oprah tungkol sa talented kids na
mga guest sa nabanggit na show na mapapanood sa susunod na buwan.
Siguradong aabangan ng mga Pilipino ang special episode
ng top-rating show ni Oprah Winfrey dahil kabilang sa mga talented
kid ang young Filipina singer na si Charice Pempengco.
Kasama ang VTR footage ni Charice sa Oprah teaser ng The World’s
Smartest Kids episode.
***
Ilan lamang sina Jackie Manzano, Jackie Forster at Lotlot de Leon
sa mga aktres na maagang nagpakasal at nakipaghiwalay rin sa kanilang
mga asawa.
Ganito rin ang kaso nina Sharon Cuneta at Pops Fernandez.
Aral para sa mga kabataan ang nangyari sa kanila. Magpakasawa muna
sa pagkadalaga, pilitin na matupad ang kanilang mga magagandang
pangarap bago sila mag-asawa.
***
Masaya ang pagdiriwang ng mga Thai sa kanilang Songkran Festival
o New Year’s Day Celebration na nag-umpisa noong Linggo,
April 13.
Literal na naliligo sa kalsada ang mga Thai at pinapahiran nila
ng white powder sa mukha ang mga tao na nakakasalubong nila.
Gumagamit sila ng mga water gun toy para basain ang mga tao. Ang
iba ay nakasakay sa mga pick-up truck na may laman na mga drum na
puno ng tubig.
Sa unang araw ng Songkran, nag-enjoy kami sa panonood ng mga nagsasabuyan
ng tubig. Nakisali rin ang mga Thai celebrity na nakadagdag-saya
sa celebration.
The following day, Monday, tuloy pa rin ang pambabasa ng tubig ng
mga Thai sa mga sasakyan, motorista at mga tao na naglalakad
sa kalsada.
Hindi na kami naaliw sa aming nakita at kung may na-appreciate man
kami, ito ay ang paulit-ulit na pagpapatugtog sa isang kanta ni
Lea Salonga sa buong Central World Mall.
Iba ang pakiramdam kapag naririnig sa ibang bansa ang kanta
ng isang Pilipino na sinasabayan ng pag-awit ng Thai people.
Ang Central World ang isa sa pinakamalaki at newly-renovated mall
sa Bangkok.
***
Comments are welcome at jojogabinete@yahoo.com.
|
