NABULABOG kahapon ang Makati City Regional Trial Court dahil sa pagdating ng Gutierrez family para samahan si Richard sa pagsasampa nito ng libel case laban kay Jo-Ann Maglipon, ang Editor-in-Chief ng Philippine Entertainment Portal at sa PEP writer na si Ferdinand Godinez.

Kasamang dumating ni Richard sa korte ang kanyang mga magulang na sina Eddie Gutierrez at Annabelle Rama at ang kanyang mga kapatid na sina Ruffa at Raymond.

Naroroon din si Bubbles Paraiso na tumatayo bilang witness ni Richard.

Nag-submit ng kanyang affidavit si Bubbles bilang pagpapatunay na walang katotohanan ang artikulo na isinulat ni Ferdinand tungkol sa diumano’y “altercation” sa pagitan nina Richard at Michael na naganap sa birthday party ng direktor na si Mark Reyes noong March 29, 2009.

Twenty-five million pesos ang halaga ng kaso na isinampa ni Richard laban kina Maglipon at Godinez. Pagkatapos sumpaan ang kanyang affidavit, nagpainterbyu si Richard para sabihin ang kanyang saloobin.

Nagdesisyon daw siya na ituloy ang kaso para na rin sa kanyang mga tagahanga at sa movie industry.

“Maraming artista ang nabibiktima ng ganitong klaseng false journalism at nagkataon lang na nangyari ito sa akin. Nakakalungkot na kinailangan na mangyari ito, pero I just want to get to the bottom of this and we wanna find out the truth kung sinong tao ang nasa likod nito. That’s why we’re doing this.

“(They are) Apologizing for the wrong reason. It wasn’t a retraction. We are asking for a retraction. We gave them a chance, actually to retract.

“Pinalabas nila na may nangyari pa rin. Na hindi lang nila ako kinunan ng statement at may nangyari pa rin na ganoong klase ng insidente. Hindi naman totoo ‘yon. Hindi kami papayag na ganoonin.

“Personal kong desisyon ito. Personal kong desisyon na gawin ito para malaman ko ‘yung totoo. Kung ano ba talaga ang nangyari.

“I’m very serious. I have my whole family behind me. My fans are supporting me. We’re very serious with the case.

“Right now, we’re letting the legal action takes its course, for now. Right now, we just want to get to the bottom of this.

“PEP said they have a source. They have to reveal their source. Gusto naming malaman ang totoo.”

Idinagdag ni Richard na hindi siya papayag na masira ng ibang tao ang pangalan na kanyang inalagaan at pinaghirapan, lalo na ang reputasyon ng kanyang pamilya.

***

Nagsalita rin si Annabelle Rama tungkol sa kaso na isinampa ng kanyang anak laban sa PEP.

Ayon kay Annabelle, suportado ng buong pamilya ang hakbang na ginawa ni Richard para lumabas ang buong katotohanan.

Ipinagtapat ni Annabelle na may idea na siya kung sino ang tao na nasa likod ng paninira kay Richard dahil sa isang text message na natanggap niya bago sumapit ang Holy Week.

Hindi pa masabi ni Annabelle kung itutuloy niya ang plano na pagsasampa ng hiwalay na kaso laban sa PEP dahil mag-uusap pa sila ng kanyang pamilya.

Matatandaan na sinabi ni Annabelle noong April 1, 2009 na iniisip din niya na idemanda ang PEP bilang ina at business manager ni Richard.