Menu

THE SOURCE: Lyca ng The Voice Kids, iniyakan ng publiko! Featured

LYCA GAIRANOD LYCA GAIRANOD

Ikinukumpara rin kay Nora Aunor!

Suportado ni Ca­vite Vice Governor Jolo Revilla ang laban sa The Voice Kids ni Lyca Gairanod na kababayan niya sa Cavite. Si Lyca ang 9-year-old singer na pinili ni Sarah Geronimo sa kanyang team para ilaban sa semi-finals ng ta­lent search show ng ABS-CBN.

“You did it again Lyca! Congrats! Two thumbs up for you little girl!” ang reaksyon ni Jolo sa pagpasok ni Lyca sa semi-finals ng The Voice Kids.


Hindi lamang ang singing voice ni Lyca ang napansin ng publiko dahil tumatak din sa kanilang isip ang mahirap na pamumuhay ng pamil­ya niya.


Mangingisda sa Cavite ang tatay ni Lyca at nangangalakal ang kanyang ina. Tumutulong si Lyca at ang mga kapatid niya sa pamumulot ng basura ng kanilang ina.


Ang kuwento ng buhay ni Lyca ang gustung-gusto ng publiko. This early, ikinukumpara na siya kay Nora Aunor na pagtitinda ng tubig sa train station ang ikinabubuhay bago sumali sa isang singing contest.

May mga napaluha sa soulful rendition ni Lyca sa Tagalog version ng Dance with My Father sa Sunday night episode ng The Voice Kids.


Tagalog ang mga kinakanta ni Lyca dahil hindi siya masyadong marunong kumant­a ng English songs. Si Sara­h ang pinili ni Lyca na mentor dahil bukod sa idolo niya ang singer/actress, gusto niya na turuan siya ni Sarah sa pagsasalita ng Ingles.


Street smart si Lyca at hindi umubra sa kanya ang wit ng The Voice Kids co-host na si Alex Gonzaga.


Hindi malaman ni Alex ang isasagot nang punahin ni Lyca ang kanyang suot na damit.


“Bakit ka nakapantulog?” ang tanong ni Lyca sa nagulat na si Alex na tila fashionistang-fashionista pa naman ang pakiramdam sa kanyang outfit.

Media

Make sure you enter the (*) required information where indicated. HTML code is not allowed.

back to top